وين رحتوا يا عرب

وين رحتوا يا عرب

بهائي راغب شراب

دار الزمن والزمن دوّار

النايم صحي

والقاعد قام .

يا حيف اللي جرى وكان

يا ويلك يا إنسان .

اللي فوق وقع

واللي تحت ..!

داس قمم الجبال .

*

دار الزمن والزمن دوار .

إيش بعد الليل

غير طلوع النهار .

وإيش بعد المرض

غير الشفا

بأمر الواحد القهار .

وإيش بعد الجهاد

غير النصر

من نصيب الرجال الأحرار .

*

دار الزمن والزمن دوار .

كل البلاد تحررت

وبلادنا محكومة بالاستعمار .

كل الشعوب هبّت

والأمم من الحيوان والأطيار .

كل الدول صارت ضمن الأرقام

إلا العرب ..

ضلوا الطريق

ورضيوا يكونوا صفار شمال الأرقام .

يا حيف عليهم ..

أصفار ضمن أصفار .

*

دار الزمن والزمن دوار

فلسطين يتيمة

وأهلها أيتام .

والقدس مدينة الأطهار

مسلوبة هويتها

ومحاصرة من جميع الأركان .

وين عاشقيها راحوا ..

فرّوا من الميدان .

وين راحوا يصلّوا

في تكساس ولويزيانا ،

في صحراء الأمريكان .

والأقصى بينادي

في اليوم خمس أوقات .

يا عرب ..

يا مسلمين ..

هبّوا جميعا

افتحوا الأبواب .

باستنى قدومكم ..

ما تغير إلي عنوان .

*

دار الزمن والزمن دوّار .

وين رحلتوا يا عرب

يا مسلمين

بعد ما غيرتوا الجوار .

أهلي اليتامى ما استكانوا

ولا سلموا للعدوان .

أهلي اليتامى

دوِّر عليهم تجدهم ..

رهبان الليل

وفرسان النهار .

*

 13/12/2002